Пайвандҳои дастрасӣ

Даргузашти ҳофизи халқии Тоҷикистон - Давлатҷони Муқим


Давлатҷони Муқим, ҳофизи халқии Тоҷикистон дар синни 62 солагӣ баъди бемории тӯлонӣ дар шаҳри Қурғонтеппа аз олам даргузашт. Ӯ фаъолияти ҳунарии худро аз шаҳри Қурғонтеппа оғоз карда буд ва муддати чанд соли охир дар Бишкек, пойтахти Қирғизистон ба сар мебурд. .

Давлатҷони Муқим аввал ба ҳайси ҳунарманди хонаи маданият, сипас дар дар театри халқӣ ва баъдан дар театри мусиқӣ ва мазҳакавии шаҳру вилояти Қурғонтеппа фаъолият кардааст.

Ба гуфтаи ёрону наздиконаш оқои Муқим зарфи чанд соли охир аз бемории бардавоми қанд ранҷ мекашид, ки билохира сабаби марги ӯ шуд.

Сурудаҳои "Губори дил", "Модар", "Муҳайяр", "Муноҷот", "Завқи дил", "Тамошо кун" аз ҷумлаи машҳуртарин офаридаҳои ҳунарии Давлаҷони Муқим мебошанд, ки то кунун аз сӯи ҳунармандон ва мардум замзама мешаванд.

Маросими ҷанозаи Давлатҷони Муқим имрӯз дар ноҳияи Бохтари вилояти Хатлон баргузор шуд.

Андешаи Шумо

Намоиши шарҳҳо

Озодӣ дар Ютуб

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG