Пайвандҳои дастрасӣ

Надежда Антонова - устоди ФИДЕ


Надежда Антонова, қаҳрамони дукаратаи шоҳмоти Тоҷикистон

Надежда Антонова, қаҳрамони дукаратаи шоҳмоти Тоҷикистон, миёни занони шатранҷбози кишвар аввалин шуда ба унвони баланди варзишӣ - устоди ФИДЕ (Федеросиюни байнулмилалии шоҳмот) мушарраф шуд.

Дар ин бора ба радиои Озодӣ Саодат Одинаева, мураббии мактаби шоҳмоти шаҳри Душанбе хабар дод. Вай афзуд: «Надежда Антонова аз рӯи натоиҷи ба даст овардааш дар Олимпиадаи ҷаҳонии шоҳмот дар шаҳри Ханти-Мансийски Русия соҳиби ин унвон шуд. Вай дар 11 бозӣ 6,5 имтиёз гирифт. Надежда бар рақибонаш - шатранҷбозони Барбадос, Яман, Пуэрто-Рико, Замбия ва Ироқ ғолиб омада, бозиҳояшро бо намояндагони Озарбойҷон, Туркманистон ва Босния ва Ҳерсеҳовин мусовӣ анҷом дод».

Ба иттилои хонум Одинаева шатранҷбози моҳир Надежда Антонова, ки донишҷӯи соли панҷуми Донишгоҳи славянии Русияву Тоҷикистон аст, бозии шоҳмотро аз модараш, мураббии шоҳмот Лидия Антонова омӯхтааст. Солҳои ахир Надежда ва Лидия Антоноваҳо, ки ба ҳайати дастаи мунтахаби кишвар шомиланд, ҳамроҳ дар мусобиқоти ҷаҳониву қитъавӣ ва байнулмилалӣ шарафи Тоҷикистонро ҳимоя мекунанд.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG