Пайвандҳои дастрасӣ

Имрӯз, 3-юми феврал, дар шаҳри Душанбе қарордоди ҳамкории Кумитаи миллии олимпии Тоҷикистон ва Корхонаи воҳиди давлатии «Ширкати алюминии тоҷик» (ТАЛКО) бо Расул Боқиев, варзишгари маъруфи тоҷик, баста шуд.

Бар асоси ин қарордод, ки аз ҷониби ноиби президенти Кумитаи миллии олимпии Тоҷикистон Маликшоҳ Неъматов, мудири тиҷоратии КВД «Ширкати алюминии тоҷик» Шералӣ Кабиров ва Расул Боқиев, узви дастаи мунтахаби дзюдои Тоҷикистон, ба тасвиб расид, КМО ва ТАЛКО барои омодагӣ ва ширкати варзишгари тоҷик ва мураббиаш Владимир Елчанинов дар мусобиқоти мухталифи байнулмилалӣ, аз ҷумла Бозиҳои осиёии соли 2010 дар шаҳри Гуанжоуи Чин ва Бозиҳои тобистонаи олимпии соли 2012 дар Лондон ҳамаҷониба кӯмак хоҳанд кард.

Ширинҷон Мамадсафоев, ноиби президенти Кумитаи миллии олимпии Тоҷикистон, ба радиои Озодӣ гуфт, дар робита ба ин мавзӯъ 3-юми феврал, соати 16 дар шаҳри Душанбе, дар қароргоҳи КМО нишасти матбуотӣ доир хоҳад шуд.

Гузориши хабарнигори мо пас аз анҷоми ин нишаст ба таваҷҷӯҳи хонандагони сомонаи интернетии Радиои Озодӣ пешкаш мешавад.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG