Пайвандҳои дастрасӣ

Марҳилаи ниҳоии Ҷоми даъвати Конфедеросиюни футболи Осиё (AFC) аз 3-юм то 14-уми феврали соли 2010 дар Шри-Ланка баргузор хоҳад шуд.

Дар даври ниҳоӣ дорандагони ҷоизаҳои мусобиқоти пешин – дастаҳои мунтахаби Ҳиндустон, Тоҷикистон ва Куриёи Шимолӣ, ҳамчунин, тимҳои миллии Қирғизистон, Туркманистон, Мянмар, Шри-Ланка ва Бангладеш, ки дар сабқати интихобӣ соҳиби роҳхатҳо шудаанд, ширкат хоҳанд кард.

Дастаҳои рақиб бар асоси қуръакашӣ, ки 30-юми ноябр дар меҳмонхонаи «Galadari»-и пойтахти Шри-Ланка – шаҳри Коломбо баргузор мешавад, муайян хоҳанд шуд.

Дастаҳо ба ду гурӯҳ тақсим мешаванд. Баъдан бозиҳои ниманиҳоӣ ва ниҳоӣ баргузор хоҳанд шуд.

Барандаи Ҷоми даъвати AFC-2010 соҳиби роҳхати ягона ба Ҷоми Осиё-2011 мешавад. Дар мавриди пирӯзии мунтахаби Ҳиндустон, ғолиби мусобиқаи порсола, роҳхат насиби дастае мешавад, ки ҷои дуввумро касб мекунад.

Воқеъан, соли гузашта мунтахаби Тоҷикистон дар бозии ниҳоӣ аз тими мизбон – Ҳиндустон бо ҳисоби 1:4 шикаст хӯрда буд.

Ҷоми даъвати AFC аз соли 2006 барои севвумин бор доир хоҳад шуд. Дастаи Тоҷикистон нахустин барандаи ин Ҷом ба шумор меравад.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG