Пайвандҳои дастрасӣ

Додгоҳи шаҳри Душанбе Тағойназар Солеҳов, бародари собиқ вазири корҳои дохилии Тоҷикистонро бо иттиҳоми куштор ва нигоҳдории ғайриқонунии силоҳ ба муддати 15 солу шаш моҳ ба зиндон маҳкум кард.

Алпомиш Акбаров, қозии додгоҳи шаҳри Душанбе, гуфт, аз ҷумлаи се иттиҳоми алайҳи Тағойназар Солеҳов ҳодисаи қатл иттиҳоми аслӣ маҳсуб шуда ва ин амр дар таъйини муҷозоти сангин нақши калидӣ дошт.

Ба гуфтаи оқои Акбаров, таҳқиқоти муқаддамотӣ мушаххас кардааст, ки оқои Солеҳов дар соли 1999 дар манзилаш бо Далер Фозилов, корманди пулиси ноҳияи Исмоили Сомонии ин шаҳр, ки бародари ҳамсараш будааст, муноқиша карда ва бо истифода аз худкори Калашников ӯро ба қатл расондааст.

Парвандаи ҷиноӣ дар робита ба Тағойназар Солеҳов даҳ сол пеш боз шуда буд, вале ба иллати набудани шоҳидон ва исбот нашудани ҷурм таҳқиқи ин ҳодиса ба дарозо кашидааст.

Тағойназар Солеҳови 56-сола то замони боздошт раёсати терминали гумруки шаҳри Душанберо бар ӯҳда дошт.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG