Бо дастури ҳукумати Чин ҳарбиёни ин кишвар даст ба пароканда кардани гирдиҳамоӣ заданд. Рӯзи 5-уми июн аккосон тасвири таърихии як марди яккаро, ки мехост, тонкҳоро нигаҳ дорад, ба саросари ҷаҳон паҳн карданд. Ин видео ва он акси машҳур рамзи рӯҳияи демократӣ ва муқовимат ба фишор мебошанд.
Рӯзҳои 3 ва 4-уми июн аз қатли ом дар майдони Тянанмени Пекин 20 сол мегузарад. Дар он рӯзҳои пур аз хушунат, дар соли 1989, садҳо ва шояд ҳазорон нафар аз тазоҳуркунандагони тарафдори демократия кушта шуданд.
