Пайвандҳои дастрасӣ

Хабари нав

Лигаи олӣ: Бозиҳои даври ҳафтум – 16-ум ва 17-уми май


Бозиҳои даври ҳафтуми мусобиқаи қаҳрамонии футболи Тоҷикистон байни дастаҳои лигаи олӣ рӯзҳои 16-ум ва 17-уми май барпо мешаванд.

Рӯзи шанбе ду бозӣ сурат мегирад. «Гвардия»-и Душанбе дар майдони худ бо «Хуҷанд»-и Хуҷанд ва ССКА «Помир»-и Душанбе бо «Вахш»-и Қӯрғонтеппа бозӣ хоҳанд кард.

Рӯзи якшанбе низ ду бозӣ барпо мешавад. «Энергетик»-и Душанбе бо «Равшан»-и Кӯлоб ва «Парвоз»-и Бобоҷон Ғафуров бо «Истиқлол»-и Душанбе рӯбарӯ хоҳанд шуд.

Бозии охирини даври ҳафтум байни «Регар» ТадАЗ-и Турсунзода ва «Спитамен»-и ноҳияи Спитамен ба 3-юми июн мавқуф гузошта шудааст.

Баъди натиҷагирии бозиҳои даври 6-ум дастаи «Вахш» бо 16 имтиёз дар ҷои аввал қарор дорад. «Регар» ТадАЗ, «Истиқлол» ва «Хуҷанд» бо 13-имтиёзӣ мутаносибан дар зинаҳои дуввуму севум ва чаҳорум ҷойгиранд.
XS
SM
MD
LG