Пайвандҳои дастрасӣ

Мусобиқаи қаҳрамонии Тоҷикистон оид ба таэквон-до ИТФ бо пирӯзии варзишгарони шаҳри Душанбе ба анҷом расид.

Дар ин мусобиқа, ки дар толори бозиҳои дастии шаҳри Душанбе байни кӯдакону наврасон ва бузургсолон баргузор шуд, беш аз 250 нафар аз вилоятҳои Суғду Хатлон, вилояти мухтори Кӯҳистони Бадахшон, шаҳру навоҳии тобеъи марказ ва пойтахти кишвар ширкат карданд.

Дар машқҳои маҷмӯӣ Хушмаҳмад Пиров байни мардон ва Шаҳло Муҳаммадраҳимова миёни занон ғолиб шуда, ба дарёфти унвони қаҳрамони мутлақи мусобиқа даст ёфтанд. Инчунин ҳарду дар рақобатҳои инфиродӣ дар вазни худ соҳиби медалҳои тилло шуданд. Хушмаҳмад дар вазни то 71 кг ва Шаҳло дар вазни то 51 кг ҷойҳои аввалро касб карданд.

Дар сабқати мардон, инчунин, Беҳзод Нормуродов дар вазни то 50 кг, Манучеҳр Отамбеков дар вазни то 57 кг, Ифтихор Камолов дар вазни то 64 кг ва Далер Сайфиддинов дар вазни беш аз 71 кг ғолиб шуда, бо медалҳои тилло мукофотонида шуданд.

Дар сабқати занон, ҳамчунин, Сабина Тағойназарова дар вазни то 45 кг ва Нигора Ҳомидова дар вазни то 63 кг пирӯзӣ ба даст оварданд.

Ба иттилоъи сардовари ин мусобиқа Эркин Латифов, ҳадафи аслӣ интихоби беҳтарин варзишгарон ба ҳайати дастаи мунтахаби Тоҷикистон буд, ки ахири сол дар сабқати ҷаҳонӣ дар шаҳри Санкт-Петербурги Русия ширкат хоҳанд кард.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG