Пайвандҳои дастрасӣ

Бунгоҳи зидди фасод аудитро пай мегирад


Шерхон Салимзода, раиси Бунгоҳи назорати молиявӣ ва мубориза бо фасод.

Раиси Бунгоҳи назорати молиявӣ ва мубориза бо фасоди Ҷумҳурии Тоҷикистон, Шерхон Салимзода, гуфтааст, натиҷаҳои бозрасии Бонки миллии Тоҷикистон ба сари худ далеле барои пажӯҳиши ҷиноӣ буда наметавонанд.

Вале ӯ изофа кард, ки ниҳоди таҳти раҳбарияш ба зудӣ тафтиши худро дар ин робита оғоз мекунад.

Ҳаштуми апрел натиҷаҳои бозрасии ширкати мустақили "Ernst and Young" дар сомонаи интернетии Бонки миллии Тоҷикистон ба нашр расид, ки аз истифодаи нодурусти 850 ва бенишон шудани 221,5 миллион доллар, мавҷудияти муҳосабаи дугона, бархӯрди манофеъ, маҳви аснод ва бозёфтҳои дигари тафтиш хабар медод.

Пештар муовини додситони кулли Тоҷикистон, Абдусамеъ Додбоев гуфта буд, пажӯҳиши натиҷаҳои аудити Бонки миллии Тоҷикистон ба Бунгоҳи назорати молиявӣ ва мубориза бо фасоди Ҷумҳурии Тоҷикистон рабт мегирад ва дар бораи натиҷаҳои бозрасӣ ҳуҷҷате ба Додситони кулли Тоҷикистон ворид нашудааст.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG