Пайвандҳои дастрасӣ

Шатранҷбози тоҷик Фаррух Амонатов дар даври панҷуми ҷашнвораи байнулмилалии шоҳмоти «Moscov Open-2009» бар шатранҷбози рус Сергей Сергиенко пирӯз шуд.

Ин севумин ғалабаи шатранҷбози тоҷик дар сабқати «А» мебошад. Фаррух Амонатов бо 3,5 имтиёз аз 5 дидор байни 276 нафар дар ҷои 33-юм қарор гирифтааст.

Пас аз ҷамъбасти 5 даври мусобиқот шатранҷбози рус Ян Непомняший бо 5 имтиёз ҷои аввалро касб кардааст.

Фаррух Амонатов дар даври шашум бо шатранҷбози Укроин Ярослав Зинченко бозӣ хоҳад кард.

Шатранҷбози дигари тоҷик Зариф Сафоев низ дар сабқати «В», ки бо ширкати 448 нафар мардону занон ҷараён дорад, баъди 3 бохт паиҳам ду пирӯзӣ ба даст овард. Вай дар даври панҷум бар шатранҷбози Русия Елена Мардер ғолиб шуд. Зариф, ки бо 2 имтиёз дар ҷои 288-ум қарор дорад, дар даври шашум бо шатранҷбози рус Владислав Алёхин бозӣ хоҳад кард.

Дар гурӯҳи «В» 4 нафар шатранҷбозон, ки 5-имтиёзӣ гирифтаанд, пешсаф мебошанд.

Панҷумин давраи ҷашнвораи байнулмилалии шоҳмоти «Moscov Open-2009» 8-уми феврал ба анҷом мерасад.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG