Пайвандҳои дастрасӣ

Аввалин бохти Амонатов ва нахустин ғалабаи Сафоев


Шатранҷбози тоҷик Фаррух Амонатов

Шатранҷбози тоҷик Фаррух Амонатов дар даври чаҳоруми ҷашнвораи байнулмилалии шоҳмоти «Moscov Open-2009» аз варзишгари рус Виталий Тшесковский мағлуб шуд.

Ин аввалин бохти шатранҷбози тоҷик дар сабқати «А» мебошад. Фаррух Амонатов, ки дар 2 бозии пешин пирӯз шуда, як бозиро мусовӣ анҷом дода буд, бо 2,5 имтиёз аз 4 дидор байни 276 нафар дар ҷои 67-ум қарор гирифтааст.

Пас аз ҷамъбасти 4 даври мусобиқот чаҳор нафар шатранҷбозон – Эрнесто Инаркиев, Павел Смирнов, Ян Непомняший, ҳарсе аз Русия, ва Дмитрий Светушкин, аз Молдова, - бо 4-имтиёзӣ пешсафанд.

Фаррух Амонатов дар даври панҷум бо шатранҷбози рус Сергей Сергиенко бозӣ хоҳад кард.

Шатранҷбози дигари тоҷик Зариф Сафоев дар сабқати «В», ки бо ширкати 448 нафар мардону занон ҷараён дорад, пас аз се бохти паиҳам дар даври чаҳорум пирӯзӣ ба даст овард. Вай бар шатранҷбози Русия Карен Ҷаникян ғолиб шуд. Зариф дар даври панҷум бо шатранҷбози Русия Елена Мардер бозӣ хоҳад кард.

Дар гурӯҳи «В» 12 нафар шатранҷбозон, ки 4-имтиёзӣ доранд, пешсаф мебошанд.

Панҷумин давраи ҷашнвораи байнулмилалии шоҳмоти «Moscov Open-2009» 8-уми феврал ба анҷом мерасад.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG