Футболбозони шаҳри Турсунзода имрӯз, 9 декабр дар майдони худ тими «Равшан»-и Кӯлобро бо ҳисоби 5:2 шикаст доданд.
Дар бозии дигар «Энергетик»-и Душанбе дар варзишгоҳи «Спартак»-и пойтахти кишвар бар «Динамо»-и Душанбе бо ҳисоби 2:0 ғалаба кард.
Бад-ин тартиб «Регар» ТадАЗ, ки бо 94 имтиёз дар садри ҷадвали мусобиқот қарор гирифтааст, бешак, барои ҳафтумин бор ба унвони қаҳрамони футболи Тоҷикистон даст хоҳад ёфт.
Муддаъиёни медалҳои нуқраву биринҷӣ - «Хуҷанд»-и Хуҷанд бо 79 имтиёз дар ҷои дуввум ва «Парвоз»-и Бобоҷон Ғафуров бо 78 имтиёз дар ҷои севум мебошанд. 10-уми декабр «Хуҷанд» дар шаҳри Қӯрғонтеппа бо «Вахш» ва 11-уми декабр «Парвоз» дар майдони худ бо «Тоҷиктелеком»-и Қӯрғонтеппа бозӣ хоҳанд кард.
Дар сабқати беҳтарин голзанҳои мусобиқоти қаҳрамонии кишвар Сӯҳроб Ҳамидов, ҳамлагари дастаи «Энергетик»-и Душанбе, дар ҷои аввал мебошад. Вай 28 гол ба самар расондааст. Нӯъмон Ҳакимов, ҳамлагари тими «Парвоз», бо 26 гол дар ҷои дуввум қарор дорад.
Мавқеъи дастаҳо то 10-уми декабр
|
| Б | Ғ | М | Б | Т/Т | И |
1. | «Регар» ТадАЗ | 37 | 30 | 4 | 3 | 123-32 | 94 |
2. | «Хуҷанд» | 35 | 25 | 4 | 6 | 62-26 | 79 |
3. | «Парвоз» | 35 | 24 | 6 | 5 | 78-26 | 78 |
4. | «Вахш» | 37 | 21 | 3 | 13 | 57-40 | 66 |
5. | «Энергетик» | 36 | 17 | 4 | 15 | 65-47 | 55 |
6. | «Тоҷиктелеком» | 36 | 17 | 2 | 17 | 60-58 | 53 |
7. | «Динамо» | 33 | 12 | 8 | 13 | 42-46 | 44 |
8. | «Саройкамар» | 36 | 8 | 5 | 23 | 43-79 | 29 |
9. | «Равшан» | 38 | 7 | 6 | 25 | 41-98 | 27 |
10. | «Гвардия» | 38 | 6 | 6 | 26 | 30-81 | 24 |
11. | CСKA «Помир» | 37 | 7 | 2 | 28 | 21-89 | 23 |
