Дастаи «Саройкамар»-и Панҷ дар майдони худ бар «Вахш»-и Қӯрғонтеппа бо ҳисоби 2:1 ғалаба кард. Голҳоро Далер Тухтасунов («Вахш», дақиқаи 17-ум), Акмал Авазов (36) ва Парвиз Саъдиев (63) ба самар расонданд.
Дар ҳамин ҳол «Хуҷанд»-и Хуҷанд бо 56 имтиёз дар садри ҷадвали мусобиқот қарор гирифтааст. «Регар» ТадАЗ-и Турсунзода бо 53 имтиёз дар ҷои дуввум мебошад. Вале «Регар» ТадАЗ се бозӣ камтар анҷом додааст.
Муддаъиёни дигари унвони қаҳрамонӣ - «Парвоз»-и Бобоҷон Ғафуров ва «Вахш»-и Қӯрғонтеппа - 51-имтиёзӣ ба даст овардаанд. Бо дарназардошти таносуби беҳтари тӯбҳо «Парвоз» ҷои севум ва «Вахш» ҷои чаҳорумро касб кардаанд. Инчунин «Парвоз» 2 бозӣ камтар кардааст.
Мавқеъи дастаҳо дар ҷадвали мусобиқот
Ҷ | Дастаҳо | Б | Ғ | М | Б | Т/Т | И |
1. | «Хуҷанд» | 24 | 18 | 2 | 4 | 40-16 | 56 |
2. | «Регар» ТадАЗ | 21 | 17 | 2 | 2 | 75-20 | 53 |
3. | «Парвоз» | 22 | 16 | 3 | 3 | 52-18 | 51 |
4. | «Вахш» | 24 | 16 | 3 | 5 | 43-19 | 51 |
5. | «Динамо» | 24 | 10 | 5 | 9 | 35-34 | 35 |
6. | «Тоҷиктелеком» | 25 | 11 | 1 | 13 | 41-45 | 34 |
7. | «Энергетик» | 25 | 10 | 3 | 12 | 40-39 | 33 |
8. | «Саройкамар» | 26 | 6 | 4 | 16 | 34-54 | 22 |
9. | CSKA «Помир» | 27 | 6 | 2 | 19 | 18-58 | 20 |
10. | «Гвардия» | 27 | 5 | 3 | 19 | 23-58 | 18 |
11. | «Равшан» | 23 | 4 | 2 | 17 | 23-63 | 14 |
Беҳтарин голзанҳои мусобиқот: Нӯъмон Ҳакимов («Парвоз») – 19 гол, Сӯҳроб Ҳамидов («Энергетик») – 16, Юсуф Рабиев («Вахш»/”Хуҷанд») – 13, Шодибек Ғаффоров («Саройкамар») – 11.
Дар даври 27-уми мусобиқот 15-уми октябр CSKA «Помир» - «Равшан», «Вахш» - «Парвоз», «Регар» ТадАЗ - «Гвардия», «Тоҷиктелеком» - «Хуҷанд» бозӣ хоҳанд кард. Бозии «Динамо» - «Саройкамар» ба мӯҳлати дер гузаронида шудааст.
