«Регар» ТадАЗ-и Турсунзода дар майдони худ «Тоҷиктелеком»-и Қӯрғонтеппаро бо ҳисоби бузурги 8:1 шикаст дод. Вале «Парвоз»-и Бобоҷон Ғафуров дар меҳмонӣ аз «Хуҷанд»-и Хуҷанд бо ҳисоби 0:3 мағлуб шуд. «Вахш»-и Қӯрғонтеппа дар шаҳри Душанбе бар «Динамо» бо ҳисоби 3:0 пирӯз гардид. CSKA «Помир» и Душанбе дар майдони худ бозиро ба Энергетик»-и Душанбе бо ҳисоби 1:3 бохт. «Гвардия»-и Душанбе дастаи меҳмон – «Саройкамар»-и Панҷро бо ҳисоби 1:0 мағлуб сохт.
Бад-ин тартиб, дастаи «Регар» ТадАЗ, ки аз 19 бозӣ 47 имтиёз ба даст овардааст, дар садри ҷадвали мусобиқот қарор гирифтааст. Дастаи «Парвоз», ки як бозӣ бештар анҷом додааст, бо 45 имтиёз дар ҷои дуввум мебошад. «Хуҷанд» бо 44 имтиёз зинаи севумро касб кардааст. Муддаъии дигари унвони қаҳрамонӣ - дастаи «Вахш» - бо 42 имтиёз дар зинаи чаҳорум қарор дорад.
Мавқеъи дастаҳо дар ҷадвали мусобиқот
Ҷ | Дастаҳо | Б | Ғ | М | Б | Т | И | |
1. | «Регар» ТадАЗ | 19 | 15 | 2 | 2 | 63-15 | 47 | |
2. | «Парвоз» | 20 | 14 | 3 | 3 | 42-18 | 45 | |
3. | «Хуҷанд» | 20 | 14 | 2 | 4 | 28-13 | 44 | |
4. | «Вахш» | 20 | 13 | 3 | 4 | 35-17 | 42 | |
5. | «Энергетик» | 23 | 10 | 3 | 10 | 39-34 | 33 | |
6. | «Динамо» | 19 | 9 | 4 | 6 | 30-25 | 31 | |
7. | «Тоҷиктелеком» | 21 | 7 | 1 | 13 | 29-42 | 22 | |
8. | «Саройкамар» | 22 | 5 | 4 | 13 | 30-41 | 19 | |
9. | «Гвардия» | 22 | 5 | 2 | 15 | 21-49 | 17 | |
10. | CSКА «Помир» | 21 | 5 | 0 | 16 | 13-44 | 15 | |
11. | «Равшан» | 21 | 4 | 2 | 15 | 20-52 | 14 | |
