Нарзуллоҳи Латиф, раиси Анҷумани хабарнигорони риштаи варзиши Тоҷикистон, ба радиои Озодӣ гуфт: «Ин дафъаи панҷум аст, ки бо кумаку дастгирии Кумитаи миллии олимпии Тоҷикистон барои хабарнигорони соҳаи варзиши кишвар давраи бозомӯзӣ баргузор мешавад. Он, бе шакк, барои баланд бардоштани савия ва малакаи касбии шореҳон ва хабарнигорони соҳа мусоъидат мекунад.»
Давраи бозомӯзии хабарнигорони риштаи варзиши Тоҷикистон тӯли ду рӯз идома меёбад.
