Қаҳрамонҳои гуштии самбои Тоҷикистон

Дар рақобатҳои инфиродӣ 6 варзишгари шаҳри Душанбе – Эраҷ Раҳимов дар вазни то 52 кг, Миралӣ Муҳибуллоев (то 57 кг), Далер Мусофиров (то 62 кг), Санҷар Сарфарозов (то 82 кг), Набимуҳаммад Хоркашев (то 100 кг) ва Зиёратшоҳ Баротов (беш аз 100 кг) ба унвони қаҳрамонӣ даст ёфтанд.

Инчунин Абдулфайз Муллоев, аз шаҳри Хуҷанд, дар вазни то 68 кг, Шуҳрат Қарлиқов, аз ноҳияи Ёвон, дар вазни то 74 кг ва Фурқат Назриев, аз шаҳри Кӯлоб, дар вазни то 90 кг соҳиби медалҳои тило гардиданд.

Маҳмуди Абдуллоҳ, дабири кулли Федеросиюни гуштии самбои Тоҷикистон, ба Радиои Озодӣ гуфт, дастаи мунтахаби кишвар дар мусобиқоти қаҳрамонии Осиё, ки аз 1-ум то 6-уми июн дар шаҳри Тошканди Узбакистон баргузор мешавад, ширкат хоҳад кард.