Рӯзи ҷумъа баъд аз намоз мухолифон ва ҷонибдорони Алӣ Абдулло Солеҳ-раиси ҷумҳури Яман дар шаҳрҳо ва шаҳракҳои ин кишвар тазоҳурот ва раҳпаймоӣ анҷом доданд. Аз моҳи январ ба ин сӯ оқои Солеҳ ба тазоҳуроти эътирозӣ рӯ ба рӯ шудааст ва мухолифон мехоҳанд, ки вай аз мақомаш истеъфо диҳад. Дар ин муддат дар даргириҳо бо нируҳои амниятиву нируҳои вафодор ба Солеҳ бо мухолифон 130 нафар кушта шудаанд.
