Вазорати дохилаи Афғонистон гуфт, ки нирӯҳои артиши ин кишвар ва эътилофиҳои таҳти раҳбарии Амрико дар даргириҳои ахири ҷануби Афғонистон беш аз 50 ҷангии Толибонро ба ҳалокат расониданд. Дар иттилоияи вазорат гуфта мешавад, ки ин миқдор ҷангиён дар 24 соати гузашта дар вилояти Урузгон кушта шуданд. Гузориши мазкур роҷеъ ба қурбониҳо аз ҷониби нирӯҳои Афғонистону эътилоф чизе намегӯяд.
