Пайвандҳои дастрасӣ

logo-print

Интихоботи Эронро се соат тамдид карданд


Кумиссиёни Марказии Интихоботи Эрон ба далели теъдоди зиёди раъйдиҳандагон мӯҳлати раъйдиҳӣ дар интихоботи раёсати ҷумҳуриро се соат тамдид кардааст. Қарор буд, интихобот соати 6 маҳаллӣ ба вақти Теҳрон анҷом ёбад, аммо онро то соати 9 шом тамдид карданд. Дар интихоботи раёсати ҷумҳурии Эрон 6 нафар барои гирифтани курсии Маҳмуди Аҳмадинажод, раиси ҷумҳури феълӣ рақобат мекунанд. Аммо номзадҳои аслӣ аз миёни онҳо Ҳасан Рӯҳонӣ, музокиракунандаи собиқи ҳастаии Эрон, номзади писандидаи ислоҳталабон ва Муҳаммад Боқир Қолибоф, шаҳрдори муҳофизакори Теҳрон аст. Агар ҳеҷ номзаде раъйи аксариятро ба даст наорад, даври дуввуми интихобот рӯзи 21 июн сурат мегирад. Нозирони байналмилалӣ интихоботи Эронро назорат намекунанд.
XS
SM
MD
LG