Пайвандҳои дастрасӣ

logo-print

Рамазон Раҳимов бо волидони Малика ва Сабина мулоқот кард


Вазири умури дохилии Тоҷикистон Рамазон Раҳимов рӯзи ҷумъа бо волидони наврасони нопадидшуда Малика ва Сабина Араловаҳо мулоқот намуд. Тибқи иттилои Дафтари матбуоти вазорати умури дохилии Тоҷикистон, ҷаноби Раҳимов ба гуруҳи оперативӣ дастур додааст, ки ваҷҳҳои пешниҳоднамудаи падару модари ноболиғонро ба итобат гирифта, дар муддати кутоҳ санҷида ва аз натоиҷи он гузориш таҳия намоянд. Раҳбарии гуруҳи оперативӣ-ҷустуҷӯии ин ноболиғонро муовини аввали вазири умури дохилии Тоҷикистон генерал-майор Орифов ба ӯҳда дорад.

Малика ва Сабина Араловаҳо, сокинони хиёбони Айнии шаҳри Душанбе, рӯзи 25 март аз назди манзили худ ғайб заданд. Вазорати корҳои дохилии Тоҷикистон барои ҷустуҷӯи онҳо як гурӯҳи вижаи ҷустуҷӯӣ таъсис дод, аммо то ба ҳол натиҷае ба даст наомадааст.
XS
SM
MD
LG