Сеяки ҳукми падари Алии Бедакиро бар асоси қонуни афв коҳиш додаанд. Раиси иҷлоси низомии Додгоҳи олии Тоҷикистон Абдуҷаббор Сатторов аммо гуфт, ки додгоҳ зимни бозбинӣ ҳукми Музаффар Давлатови 73-соларо ба сурати умум бетағйир боқӣ гузошт. Давлатов дар ноябри соли гузашта бо ҷурми ин ки ба мақомот аз аъмоли писараш хабар надод, ба 7 соли зиндон маҳкум шуда буд. Ҳамроҳ бо ӯ 28 тани дигар ҳам бо ҷурми ширкат дар нооромиҳои водии Рашт аз 2 то 30 сол ҳукм гирифтанд. Аловиддин Давлатов, мулаққаб ба Алии Бедакӣ, ки ба ошӯби мусаллаҳона алайҳи давлат айбдор мешуд, як сол пеш дар як ҳолати то ҳол мармуз кушта шуд. Бародари ӯ Ҳусниддин Давлатов низ бо ҷурми ҳамдастӣ дар ин ошӯб дар зиндон ба сар мебарад.
