Мақомоти давлатӣ, аъзои порлумонҳо, ваколатдорони ҳуқуқи инсон ва намояндагони ҷомеаи шаҳрвандии Тоҷикистон, Туркманистон, Узбакистон, Қазоқистон ва Қирғизистон дар ҳамоише дар Алмато роҳҳои таҳкими ҳамкории ҳукуматҳо ва созмонҳои ғайридавлатиро баррасӣ карданд. Дар ин нишасти дурӯза бо ташаббуси Созмони амният ва ҳамкории Аврупо сабабҳои ҷудоӣ ва ихтилофи ҳукуматҳо ва ҷомеаи шаҳрвандӣ, афзоиши маҳдудиятҳо дар фаъолияти ниҳодҳои ғайридавлатӣ, камбуди ширкати аҳолӣ дар таҳияи қонунҳо ва идораи давлат баррасӣ мешавад.
