Вазири умури хориҷии Тоҷикистон Ҳамроҳхон Зарифӣ дар як мулоқот бо сафирони Бритониё, Тревор Мур, Олмон, Дорис Ҳертрампф ва Фаронса, Энрӣ Зиппер де Фабионӣ масъалаҳфои марбут ба ҳамкориҳои муштаракро баррасӣ намуд. Дар ин ҳамоиш инчунин ба авзоъ дар Афғонистон таваҷҷӯҳи хос зоҳир гардид. Намояндаи Вазири умури хориҷии Тоҷикистон мегӯяд, дар дидор зикр карда шуд, ки ҳамкории давлатҳои Осиёи Марказӣ, иҷрои тарҳҳои обу энержӣ ва роҳу нақлиёт аз самтҳои асосии ҳамкориҳои Тоҷикистон бо кишварҳои Иттиҳоди Аврупост.
