Раиси Комиссиюни Аврупо Жозе Мануэл Баррозо мехоҳад номзади худро барои ишғоли ин мақом боз дар панҷ соли дигар пешбарӣ кунад. Дар ин бора ӯ дар нишасти хабарӣ дар Брюсел иттилоъ дод. Жозе Мануэл Баррозо, сарвазири собиқи Португалия, аз моҳи ноябри соли 2004 ба ин сӯ раёсати Комиссиюни Аврупо – ниҳоди иҷроияи Иттиҳодияи Аврупоро дар дӯш дорад. Аз нигоҳи коршиносон, пирӯзии нерӯҳои ростумарказгаро дар интихоботи ахир ба Парлумони Аврупо шонсҳои Баррозо барои дубора дар ин маснад интихоб шуданро бештар намуд.