Бино ба иттилоъи хабаргузориҳои маҳаллии Тоҷикистон, Ҷамшед Давронов-сокини ноҳияи Исфара дар натиҷаи бархӯрд ба мина дар минтақаи марзии миёни Тоҷикистону Ӯзбакистон кушта шуд. 30-юми март Ҷамшед Давронов хостааст чорвои худро аз минтақаи хатарноки минакоришуда берун ронад, вале худаш ба мина бархурда, ҷонашро аз даст додааст. Соли ҷорӣ ин нахустин қурбонии бархӯрд бо мина аст. Соли гузашта 13 нафар дар чунин ҳодисаҳо кушта шудаанд.
