Мақомоти Покистон изҳор намуданд, ки бар асари як амалиёт дар шимолу ғарби кишвар дасти кам 52 фарди мусаллаҳро куштаанд. Чархболҳои покистонӣ ҳамчунин ба анбори силоҳу муҳимоти мухолифин ҳамла карда, 8 мошинро аз байн бурданд. Амалиёт дар минтақаи ағбаи Хайбар, дар шоҳроҳе сурат гирифт, ки аз тариқи он мошинҳо барои нерӯҳои Эътилофи байнулмилалӣ дар Афғонистон бор мекашонанд. Моҳҳои ахир ҳамла ба корвони мошинҳо бо молу мавод барои Афғонистон афзоиш ёфтааст.
