Президенти Русия, Дмитрий Медведев мегӯяд, бӯҳрони молии ҷаҳон ва таъсири ҷанги Гурҷистон аз мавзӯъҳои асосии паёми ӯ ба мардуми Русия хоҳад буд. Пас аз як таъхир қарор аст, паёми солонаи Медведев рӯзи 5-уми ноябр садо диҳад. Русия пас аз ҳамлаи нерӯҳои гурҷӣ ба минтақаи ҷудоихоҳи Осетияи Ҷанубӣ артиш фиристод ва бозори бурси Русия зери таъсири бӯҳрони молии ҷаҳон фурӯ афтода, ба эътидоли иқтисодии он таҳдид мекунад.
