Пайвандҳои дастрасӣ

logo-print

Ҳузури Амрико дар музокирот бо Эрон


Нахустин бор як намояндаи ҳукумати Ҷорҷ Буш бо музокиракунандаи ҳастаии Эрон сари як миз хоҳад нишаст, ки ҳадаф аз ин гуфтугуҳо мойил кардани Эрон ба даст кашидан аз фаъолиятҳои ғанисозии ураниум мебошад. Бино ба иттилоъи хабаргузории "Ассосиейтед Пресс", Вилям Бурнс –мақоми севвумдараҷаи вазорати умури хориҷаи Амрико дар музокироти чандҷониба дар шаҳри Женева ширкат хоҳад кард, ки ин нишаст бо раҳбарии сиёсатгузори умури хориҷаи Иттиҳодияи Аврупо Хавиер Солана сурат мегирад. Дар ин нишаст, панҷ узви Шӯрои Амният бар изофаи Олмон мехоҳанд ҷавоби Эронро бишнаванд, ки дар ивази қатъи фаъолиятҳои ғанисозии ураниум бастаи пешниҳодии онҳоро дар қабул мекунад ё на. Раиси ҷумҳури Амрико Ҷорҷ Буш ҳамвора сиёсати гуфтугу накардан бо Эронро думбол мекард, вале ҳоло як мақоми олирутбаи ҳукумат тағйирот дар ин сиёсатро эътироф кардааст. Аммо ин мақом гуфтааст, ки Вилям Бурнс бо музокиракунандаи ҳастаии Эрон Сайид Ҷалилӣ танҳо ба танҳо гуфтугу нахоҳад кард. Қудратҳои ғарбӣ мегӯянд, Эрон саъй дорад, то силоҳи атомӣ бисозад.

XS
SM
MD
LG