Пайвандҳои дастрасӣ

Бархӯрди пулиси Покистон бо тарафдорони Имрон Хон


Маъмурони пулиси Покистон даҳҳо нафар аз тарафдорони Имрон Хон, яке аз пешвоёни мухолифони давлатро дастгир карданд ва раҳпаймоиҳоро мамнӯъ карданд. Чунин амалкарди мақомот байни маъмурони пулис ва фаъолони мухолифон дар баъзе аз қисматҳои шаҳри Исломобод бархӯрд барангехт. Баъди боздоштҳо дар шоми 27-уми октябр Имрон Хон тарафдоронашро ба тазоҳуроти саросарӣ даъват кард. Аз ин пеш ҳукумат амр дод, ки ҳаргуна тазоҳуроту раҳпаймоӣ аз 27-уми октябр дар шаҳрҳои Исломобод ва Равалпиндӣ манъ шавад ва ин дастур барои ду моҳ аст. Зоҳиран мақомот мехоҳанд, аз раҳпаймоии ҳизби Имрон Хон пешгирӣ кунанд, ки ба рӯзи 2 ноябр барномарезӣ шудааст. Имрон Хон, крикетбози шинохтаи покистонӣ ва раҳбари Ҳизби Таҳрики инсоф таҳдид кардааст, то замони аз мақомаш истеъфо додани нахуствазир Навоз Шариф роҳҳоро ба суи Исломободро мебанданд.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG