Ҷон Мак Кейн-сенатори амрикоӣ барои музокира бо намояндагони шӯришиёни Либия вориди Бенғозӣ шудааст. Шӯришиён бо нируҳои вафодор ба Муаммар Қаззофӣ барои сарнагунии вай мубориза мекунанд. Баъд аз вуруд ба Бенғозӣ-маркази шӯришиён Мак Кейн гуфт, шӯришиён қаҳрамонанд. Аз миёнаҳои моҳи феврал аз замони оғози муборизаҳо бар зидди ҳукумати Муаммар Қаззофӣ Мак Кейн болотарин мақоми амрикоист, ки аз Либия боздид мекунад. Вай яке аз ҷонибдорони қавии мудохилаи низомӣ ба Либия дар Конгресси Амрико ба шумор меравад.
