Гурҷистон мегуяд, нируҳои посдори сулҳи Руссия дар минтақаи нейтрал дар марзи миёни Гурҷистон ва Абхозистони ҷудоиталаб таваққуф кардаанд ва се корманди пулиси Гурҷистонро мавриди лату куб қарор додаанд. Шота Утиашвилӣ-як мақоми расмии вазорати дохилаи Гурҷистон мегуяд, баъд аз ин ҳодиса нируҳои кишвараш ин се корманди пулисро дар дохили як зиреҳпуш пайдо карданд, ки дастонашон баста будааст. Михоил Саакашвилӣ-раиси ҷумҳури Гурҷистон, ки билофосила аз маҳали ҳодиса боздид кардааст, ба нируҳои посдори сулҳи Руссия ҳушдор додааст, ки чунин ҳодисаҳо метавонад Руссия ва Гурҷистонро бар зидди якдигар таҳрик кунад.