Дастаи мунтахаби миллии футболи Тоҷикистон барандаи Ҷоми даъвати Конфедератсиони футболи Осиё гардид.
Футболбозони тоҷик дар бозии ниҳоии ин мусобиқот бегоҳи якшанбеи 16 апрел дар варзишгоҳи «Бангабанду»-и пойтахти Бангладеш -- шаҳри Дакка бар тими миллии Шри-Ланка бо натиҷаи 4 бар 0 пирӯз шуданд.
Ҷомихон Муҳиддинов дар аввалин дақиқаи дидор ҳисобро боз кард. Хуршед Маҳмудов дар дақиқаи 45-ум голи дуввумро вориди дарвозаи дастаи Шри-Ланка сохт. Ду голи дигарро дар қисми дуввуми бозӣ Нӯъмон Ҳакимов дар дақиқаи 61-ум ва Ҷомихон Муҳиддинов дар дақиқаи 70-ум ба самар расонданд. Ба ин тартиб тими миллии футболи Тоҷикистон таҳти сарварии мураббии маъруф Шариф Назаров дар ин мусобиқот,ки бо ширкати 16 дастаи мунтахаби миллии кишварҳои «зуҳурёфта»-и қорраи Осиё барои аввалин бор баргузор шуд, мақоми аввалро ишғол кард ва соҳиби Ҷоми даъвати AFC гардид.
Нарзуллоҳи Латиф
Футболбозони тоҷик дар бозии ниҳоии ин мусобиқот бегоҳи якшанбеи 16 апрел дар варзишгоҳи «Бангабанду»-и пойтахти Бангладеш -- шаҳри Дакка бар тими миллии Шри-Ланка бо натиҷаи 4 бар 0 пирӯз шуданд.
Ҷомихон Муҳиддинов дар аввалин дақиқаи дидор ҳисобро боз кард. Хуршед Маҳмудов дар дақиқаи 45-ум голи дуввумро вориди дарвозаи дастаи Шри-Ланка сохт. Ду голи дигарро дар қисми дуввуми бозӣ Нӯъмон Ҳакимов дар дақиқаи 61-ум ва Ҷомихон Муҳиддинов дар дақиқаи 70-ум ба самар расонданд. Ба ин тартиб тими миллии футболи Тоҷикистон таҳти сарварии мураббии маъруф Шариф Назаров дар ин мусобиқот,ки бо ширкати 16 дастаи мунтахаби миллии кишварҳои «зуҳурёфта»-и қорраи Осиё барои аввалин бор баргузор шуд, мақоми аввалро ишғол кард ва соҳиби Ҷоми даъвати AFC гардид.
Нарзуллоҳи Латиф
