Олег Газманов, овозхони шинохтаи Русия, ки бо таронаи миллатгароёнаи "Истеҳсоли СССР" маъруф аст, ба қаламрави Литва роҳ наёфт. Газманов рӯзи 17 август дар саҳифаи Инстаграм навишт, ки марзбонҳо дар фурӯдгоҳи Вилнюс ба ӯ гуфтанд, ки номаш дар рӯйхати "афроди номатлуб" барои Литва шомил аст.
Вазири хориҷии Литва Линас Линкявичус рӯзи 18 август гуфт, ки "Газманов барои таблиғи амалкардҳои хушунатомези Русия дар нисбати ҳамсояҳояш" ба Литва роҳ дода нашуд. Моҳи июли соли 2014 мақомоти кишвари дигари Балтик, Латвия аз вуруди Газманов ба қаламрави кишвар ҷилавгирӣ карданд ва гуфтанд, ки ин овозхон бо изҳороту амалҳои худ истиқлолият ва якпорчагии Украинаро халалдор мекунад.
