Пайвандҳои дастрасӣ

Ҷаҳонгарди Африқои Ҷанубӣ ба Тоҷикистон ҳам меояд


Дэвид Клинтон-ҷаҳонгарди Ҷумҳурии Африқои Ҷанубӣ, ки дар Қазоқистон ба ҳодисаи нақлиётӣ дучор шуда буд, акнун роҳашро давом медиҳад. Дар ин бора Ҷамъияти ҷуғрофиёи Қазоқистон ба матбуот хабар додааст.

Бино ба хабари ин манбаъ, Дэвид Клинтон мехоҳад дар давоми 5 сол саросари ҷаҳонро бигардад ва то ҳол ба вай муяссар шудааст, ки 79 кишварро бубинад.

Дэвид 22 апрел ҳангоми гузар аз қаламрави Қазоқистон дар наздикии кӯли Балхаш ба ҳодисаи нақлиётӣ дучор шуд. Вай мошини дуввуми худро ба притсеп гирифта буд ва аз роҳ баромад. Мошинҳо комилан хароб шуданд, вале касе осеб надид.

Вай мехост ҳамаи либосу дороиашро фурӯшад ва барои билети ҳавопаймо ё таъмири мошинҳо пул ҷамъ кунад. Вале ҷамъияти Ҷамъияти ҷуғрофиёи Қазоқистон барои вай билети ҳавопаймо гирифт ва вай ба Ҷумҳурии Африқои Ҷанубӣ баргашт.

Ҳоло вай дубора аз Қазоқистон роҳашро идома медиҳад. Аз Қазоқистон ба Қирғизистону Тоҷикистон, Афғонистону Эрон, Имороти Муттаҳидаи Араб, Кения, Танзания, Малавӣ, Мозамбик ва Зимбабве меравад.

XS
SM
MD
LG