Хадамоти федеролии иҷрои муҷозоти Русия гузориши худро роҷеъ ба натиҷаҳои тафтиш дар боздоштгоҳи 4 ё СИЗО 4- и Маскав ба бозрасон фиристод. Дар ин боздоштгоҳ 4 нафар ба ҳалокат расида буданд.
Хулосаҳои тафтиш дар матбуот ба нашр намерасад. Интизор меравад, ки ниҳодҳои тафтишотӣ ба фаъолияти кормандони боздоштгоҳ баҳо диҳанд.
Як манбаъ дар ниҳодҳои интизомии Русия пештар ба хабаргузории "Интерфакс" иттилоъ дод, ки дар СИЗО-и 4 дар шимоли шарқи шаҳри Маскав дар ҳолатҳои гуногун 4 боздоштшуда ба ҳалокат расидаанд. Як нафари дигарро ҳангоми худкушӣ наҷот додаанд.
