Пайвандҳои дастрасӣ

НАТО калонтарин машқи 13 соли охирро баргузор мекунад


Дар бузургтарин машқҳои низомии НАТО дар ҷануби Аврупо 36 ҳазор низомӣ аз беш аз 30 кишвар ширкат мекунанд. Ба гуфтаи муовини дабири кулли ин паймон Александр Вершбоу, ин машқҳо баёнгари он хоҳад буд, ки иттиҳод “қодир аст вазифаҳои гуногунро иҷро кунад: аз амалиёти оддии низомӣ то амалиёти махфии низомӣ ва таблиғот”.

Маросими оғози ин машқҳо 19 октябр дар ҷазираи Ситсилияи Италия баргузор шуд. Ба гуфтаи Вершбоу вазъи ҳозираи ҷаҳон дар муқоиса бо замони Ҷанги сард пуршиддаттар аст. Дар ин замина вай ба тасарруфи Қрим, дастгирии ҷудоихоҳон дар шарқи Украина ва ҳамлаҳо ба мухолифони мӯътадил дар Сурия ва ҳамчунин роҳ ёфтани гурӯҳҳои террористӣ ба Либия ва Сурия ишора кард.

Размоиш 21 октябр оғоз шуда, то моҳи ноябр идома меёбанд. Ин машқҳо қаламрави Испания, Португалия ва минтақаҳои баҳрии ин кишварҳоро фаро мегиранд. Тибқи нақша нерӯҳои иттиҳод ба ҳуҷуми кишвари бузург ба қаламрави кишвари кӯчаки узви ин иттиҳод бояд вокуниш нишон диҳанд. Вершбоу гумонҳо дар бораи нақши ҳамлагари тақаллубӣ доштани Русияро рад кард.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG