Ҳилларӣ Клинтон, номзади нахустини интихоботи раёсати ҷумҳури Амрико аз Ҳизби демократ то се ҳафтаи дигар корзори интихоботияшро оғоз хоҳад кард. Ин корзор, ки маконаш ҳанӯз мушаххас нашудааст, чанд ҳафта баъд аз фаъолиятҳои маҳдуди интихоботии хонум Клинтон анҷом мегирад. Интихоботи раёсати ҷумҳури Амрико моҳи ноябри соли 2016 баргузор хоҳад шуд ва Ҳилларӣ Клинтон ҳанӯз як моҳи пеш аз тасмимаш барои иштирок дар ин сабқати сиёсӣ хабар дод. Ӯ дар як паёми кӯтоҳи видеоӣ гуфт, "амрикоиҳо ҳар рӯз ба қаҳрамон ниёз доранд ва ман мехоҳам ҳамон қаҳрамон бошам."
