Рӯзи душанбе Барак Обама-раиси ҷумҳури Амнрико дар дастуре имзо гузошт, ки тибқи он бар зидди Эрон ва Бонки Марказии он таҳримҳои шадидтар ҷорӣ хоҳад шуд. Барак Обама баъд аз имзои ин дастур изҳор дошт, чунин таҳримҳо барои он зарурат пайдо кард, ки Бонки Марказӣ ва бонкҳои дигари Эрон бо ҷонибҳои таҳрим интиқоли пулҳоро ботил карданд ва ин гуна рафтори Эрон ба низоми байналмиллалии молӣ “хатари ғайриқобили қабул” пеш овардааст. Таҳримҳои Амрико бар зидди Эрон соли гузашта дар Конгресс ба тасвиб расида буд.
