Имрӯз аз киштии сайёҳии Италия бо номи Costa Concordiaбоз як нафари дигарро пайдо карданд. Пои вай шикастааст. Қаблан ба гурӯҳи наҷот муяссар шуда буд, ки онҳо ба ҳуҷраи як зану шавҳари кореягӣ роҳ ёбанд ва онҳоро наҷот диҳанд. Роҳ ба ҳуҷраи онҳо баста буд. Вале то ҳол сарнавишти 40 нафари дигар номаълум боқӣ мемонад. Пештар ҷасади се нафарро пайдо карда буданд. Ин киштӣ рӯзи ҷумъа дар наздикии соҳил ба гил нишаст ва ба паҳлӯ хобид. Сабабҳои ин ҳодиса омӯхта мешавад. Новхудои киштӣ ё капитани он ва муовини аввали вай боздошт шудаанд.
