Қарор аст, халабони рус Владимир Садовничий, ки ду рӯз пеш аз боздошт раҳо шуд, имрӯз аз Душанбе ба Маскав баргардад. Халабони дигари ширкати “Ролкан” Алексей Руденко шоми дирӯз тавассути Санкт-Петербург ба зодгоҳаш –Эстония баргашт. Додгоҳи Қӯрғонтеппа онҳоро рӯзи 8 ноябр бо ҷароими убури ғайриқонунии марз, нақзи қоидаҳои парвоз ва қасди қочоқ 8,5-солӣ ҳукми зиндон дод, ки мояи таниши шадиде байни Русияву Тоҷикистон шуд. Аммо додгоҳи вилояти Хатлон рӯзи 22 ноябр ҳукми онҳоро 6 сол кӯтоҳ карда, бар асоси қонуни афв ҳардуро озод кард.
