Имрӯз бори аввал дар Чин мусофирон ба қатори баландсуръати хати миёни Пекин-Шонгҳой нишастанд. Чин умед дорад, ки ин роҳи оҳан ба арзиши 33 миллиард доллар гиру бор дар нақлиёти мусофирбари кишварашро сабуктар хоҳад кард. Ин хати тезрав метавонад дар давоми як сол то 80 миллион нафар мусофиронро дар 5 соат аз Пекин ба Шонгҳой расонад. Мақомот мегӯянд, ин қатори роҳи оҳан дар як соат метавонад то 300 километр ҳаракат кунад.
