Мақомоти маҳаллии Покистон мегӯянд, имрӯз бар асари шиллики мушакҳо тавассути ҳавопаймои бесарнишини Амрико дар шимолуғарби Покистон дар наздикии марз бо Афғонистон дастикам 16 ҷангии мазнун кушта шуданд. Ба гуфтаи мақомот, ин афрод дар минтақаи қабиланишини Шавволи Вазиристони шимолӣ ҳадафи ҳамла қарор гирифтаанд. Амрико имсол истифодаи ҳамлаҳо тавассути ҳавопаймоҳои бесарнишинро алайҳи ҷангиёни мустақар дар шимоли Покистон тавсиъа додааст. Рӯзи душанбе бар асари се шиллики мушакҳо дар Вазиристони ҷанубӣ низ ҳудуди 20 нафар кушта шуданд.
