Як шаҳрванди 20-солаи Тоҷикистон дар шаҳри Санкт-Петербурги Русия бо иттиҳоми даст доштан дар як силсила ҳамлаҳои ғоратгарона боздошт шудааст. Расонаҳои русӣ мегӯянд, ки ӯ дар 6 чунин мавриди ҳамла айбдор шуда, ҳангоми ҳамлаи шашум дастгир шуд. Бино ба ин манобеъ, ин шаҳрванди тоҷик дар кӯчаҳои Петербург бо истифода аз як василаи монанд ба туфангча ба афроди умдатан чиноӣ ҳамла оварда, пулу молу онҳоро кашида мегирифт. Алайҳи ӯ бо иттиҳоми ғоратгарӣ парвандаи ҷиноӣ боз кардаанд.
