Имрӯз, 27 январ раисиҷумҳури Қазоқистон Нурсултон Назарбоев бо паёми солонааш ба мардум муроҷиат хоҳад кард. Имрӯз дар рӯзи севвуми кори анҷумани панҷрӯзаи иқтисодӣ дар Давоси Швейтсария қудратҳои ҷаҳонӣ мавзӯъи таҳия ва тасвиби паймони ҷаҳонии тиҷоратро баҳс хоҳанд кард. Ва ҳам имрӯз қарор аст, кобинаи вазирони Испания тарҳи ислоҳоти нафақаро тасвиб кунад. Ва имрӯз, 27 январ, Додгоҳи олии Фаронса даъвои ақалиятҳои ҷинсиро, ки манъи никоҳи байни онҳоро нақзи ҳуқуқ медонанд, баррасӣ хоҳад кард.
