Хонум Ҷанет Наполитано-вазири амнияти дохилаи Амрико вориди Кобул пойтахти Афғонистон шуд. Вай бо мақомоти раҳбарии ин кишвар дар бораи таъмини сулҳ гуфтугӯ мекунад. Боздиди вай аз Афғонистон се рӯз идома хоҳад ёфт ва вай дар ин муддат бо мақомоти низомии Амрико мустақар дар Афғонистон, бо коршиносони амниятӣ ва марзбонӣ дидор хоҳад дошт. Хонум Наполитано ҳамчунин Соли Нави милодиро як ҷо бо 100 000 нафар сарбозони Амрико дар Афғонистон пазироӣ мекунад.
