Сониҳаи ҳавопаймои боркаши марбут ба нирӯҳои ҳавоии артиши Русия дар ҷануби Маскав мунҷар ба ҳалокати 11 тан аз сарнишинонаш шудааст. Як манбаъ дар вазорати дифоъи Русия гуфтааст, ҳавопаймои АН-22, ки аз Воронеж ба Тула парвоз мекард, шаби сешанбе тақрибан соати 21-30 аз пардаи радарҳо гум шуд. Бино ба хабарҳо, ин ҳавопаймо дар марзи байни вилоятҳои Орёл ва Тула суқут кардааст. То ҳол дар мавриди иллати сониҳа чизе гуфта намешавад.
