Шуморе аз вакилон ва номзадҳои интихоботи порлумонии Афғонистон рӯзи якшанбе дар Кобул ба лағви натиҷаҳои интихоботи 18-уми сентябр ва баргузории интихоботи нав даъват карданд. Онҳо гуфтанд, бино бар тақаллуби зиёд интихобот ғайриқонунист. Натиҷаҳои интихобот ҳанӯз эълон нашудаанд, вале дар ин байн Кумиссюни мустақили интихоботӣ наздик ба чоряки раъйҳоро беэътибор донист.
