Ширкати давлатии “Российские технологии” гуфт, барои ширкати “Аэрофлот” ба маблағи 3,7 миллиард доллар 50 ҳавопаймои нави навъи “Boeing 737” хоҳад харид. “Российские технологии”, ки саҳми давлати Русия дар чандин ширкати минтақавии ҳавопаймоиро идора мекунад, гуфт, ин қарордод харидории шумори бештари ин навъи ҳавопаймоҳоро низ дар назар дорад. Ҳадаф аз харидории 50 “Boeing” нав кардани парки фарсудашудаи ҳавопаймоҳои “Аэрофлот” будааст.
