Раҳбари пешини инқилобии Куба, Фидел Кастро, бино ба нақли қавли ӯ, аз намоиши тамоюли яҳудибадбинӣ ва радди Ҳолокост аз тарафи президенти Эрон, Маҳмуди Аҳмадинажод, интиқод кардааст. Суханони Кастро аз мулоқоти ӯ бо нависандаи маҷаллаи амрикоии "Атлантик", Ҷеффрӣ Голдберг, нақли қавл шудаанд. Ин муаллиф дар торнигор ё блоги худ навиштааст, Кастро, ки солҳои дароз аз мунаққидони сарсахти Исроил буд, батакрор яҳудибадбинӣ ва Аҳмадинажодро танқид кардааст.
