Пулиси Покистон мегӯяд, имрӯз дар натиҷаи ҳамлаи як бомбгузори маргталаб дар назди қароргоҳи пулиси шибҳанизомӣ дар шаҳри шимолуғарбии Пешовар 3 нафар, бо шумули як афсари баландпояи пулис кушта шуданд. Намояндаи пулис Ворисхон, ки аз маҳалли ҳодиса сӯҳбат мекард, гуфтааст, дар пайи таркиш дастикам 2 мошин оташ гирифтаанд. Шоҳидон ин ҳамларо ҳамчун инфиҷори бузург ба қалам додаанд.
